WTO katika mgogoro baada ya kushindwa kwa mazungumzo ya kilimo na uvuvi

Licha ya majadiliano ya muda mrefu ya siku moja, mawaziri wanaowakilisha wanachama 164 wa Shirika la Biashara Duniani, wanaokutana Abu Dhabi, waliondoka Ijumaa hii Machi 1 na kukiri kushindwa kufikia muafaka. Masuala mawili hasa, uvuvi na kilimo, yalifichua mgawanyiko mkubwa kati ya nchi wanachama.

Wajumbe wakiwa katika picha ya pamoja wakati wa Mkutano wa 13 wa Mawaziri wa WTO huko Abu Dhabi, Falme za Kiarabu, Februari 26, 2024. © Abdel Hadi Ramahi / Reuters

Mkutano wa mawaziri wa Shirika la Biashara Ulimwenguni ulimalizika Ijumaa Machi 1 kwa kukiri kushindwa kwa maswala makuu ya uvuvi na kilimo na uokoaji wa kusitishwa kwa kielektroniki, na kulitumbukiza shirika hilo kusikojulikana.

Matokeo ya mkutano wa mawaziri yalionyesha mgawanyiko mkubwa kati ya wanachama 164 wa WTO, "katika mazingira ya kimataifa yenye hali ya sintofahamu zaidi kuliko hapo awali", amebainisha Ngozi Okonjo-Iweala, mkurugenzi wa WTO, akizungumzia mvutano wa kijiografia, mvutano wa kiuchumi na uchaguzi katika nchi nyingi. Makubaliano pia ni magumu kupatikana kwa sababu maamuzi hufanywa kwa makubaliano. "Uzuri wa WTO ni kwamba kila mwanachama ana sauti sawa, lakini hii pia inakuja kwa gharama," amesisitiza.

Maendeleo pekee ya siku hizi tano za mazungumzo yanahusu biashara ya kielektroniki, isiyo na ushuru wa forodha tangu mwaka 1998. India ilikubali katika dakika ya mwisho kutopiga kura ya turufu ya upanuzi wa kusitishwa kwa forodha kwa usafirishaji wa kielektroniki, lakini kwa miaka miwili zaidi, yaani hadi mwaka 2026. Waziri wa Biashara wa India Piyush Goyal alieleza kuwa nchi yake imeamua kuondoa pingamizi lake "kwa heshima" kwa Thani al-Zeyoudi, rais wa mkutano huu, akiitaja kama "rafiki mzuri".