Kundi la Brics kupanuka baada ya kujiunga kwa nchi tano wanachama wapya
Kuanzia Jumatatu hii, Januari 1, 2024, kundi linaloundwa hadi sasa na Afrika Kusini, Brazil, Urusi, India, na China litabadilika ili kuwapokea wanachama wapya ambao ni Misri, Ethiopia, Saudi Arabia, Falme za Kiarabu na Iran.
Imechapishwa:
Uamuzi huo ulichukuliwa kwenye mkutano wa kilele wa Johannesburg mnamo mwezi wa Agosti 2023. Kwa mshangao wa kila mtu, "kundi ya nchi tano" ilifanikiwa kukubaliana sio tu juu ya vigezo vya kupokea wanachama wapya, lakini pia juu ya nchi wanazopaswa kushirikiana nazo, anakumbusha mwandishi wetu huko Johannesburg, Claire. Bageleli.
Hata hivyo, badala ya washiriki sita wapya, kuna watano tu, kwani rais mpya wa Argentina, Javier Milei, anataka kubadilishwa kwa itikadi ya kundi hilo na anakataa kwamba nchi yake, iliyoalikwa kujiunga na kambi hiyo, kuungana na jumuiya hiyo.
Kurejesha mfumo wa kifedha
Kuimarishwa kwa kundi hilo, ambalo sasa linawakilisha chini ya nusu ya idadi ya watu duniani, na karibu theluthi moja ya Pato la Taifa la dunia, kunapaswa kuliwezesha kuendelea kutoa wito wa kuwepo kwa ulimwengu wa pande nyingi na utaratibu wa haki wa kimataifa.
Shirika la Fedha la Kimataifa na Benki ya Dunia bado zinategemea sana dola. Na China, kwa mfano, nchi ya pili kwa uchumi mkubwa duniani, haina haki ya kupiga kura sawa na uzito wake. Ili kutegemea kidogo Marekani na taasisi za fedha za kimataifa, BRICS+ kwa hivyo inatafuta kupunguza uchumi wake. Hii ni hali hasa kwa nchi kama Urusi na Iran ambazo zinakabiliwa na vikwazo vikali vya Marekani.
Lakini pia itakuwa vigumu zaidi kufikia makubaliano na kundi hilo la watu tofauti, ambalo bado linatawaliwa na China. Ulionekana mseto wa maslahi tena hivi majuzi, wakati wa mkutano wa kilele wa vita huko Gaza.
Mkutano mkuu wa kwanza wa kundi hili jipya la Brics kwa vyovyote vile umepangwa kufanyika mwezi Oktoba 2024, katika jiji la Urusi la Kazan.