Wapalestina watano wauawa katika Uvamizi mkali wa jeshi la Israel Jenin

Wimbi jipya la machafuko huko Jenin, limeripotiwa katika Ukingo wa Magharibi unaokaliwa. Jeshi la Israel limevamia mji huo. Takriban Wapalestina 5 waliuawa, 90 wamejeruhiwa. Wanajeshi 7 wa Israel pia wamejeruhiwa. Mapigano hayo yamedumu kwa takriban saa 12.

Helikopta ya Jeshi la Wanahewa ya AH-64 ya Apache wakati wa shambulio la anga la jeshi la Israeli huko Jenin katika Ukingo wa Magharibi unaokaliwa mnamo Juni 19, 2023. AFP - JAAFAR ASHTIYEH

Na mwandishi wetu maalum huko Jenin, Sami Boukhelifa

Siku ya Jumatatu asubuhi, helikopta ya Apache ya jeshi la Israel ilifanya shambulio la anga katika eneo la Jenin. Hii hutokea mara kwa mara huko Gaza, lakini kamwe katika maeneo ya Palestina ya Ukingo wa Magharibi unaokaliwa. Kulingana na vyombo vya habari vya ndani, shambulio la mwisho kama hilo linaripotiwa katika vita vya pili vya intifada, miaka ishirini iliyopita.

Lakini kama kawaida katika eneo la Jenin, uvamizi huu wa Israeli unafanyika katika eneo la mijini lenye watu wengi. Waathirika wakuu: Raia wa Palestina. Siku ya Jumatatu asubugi, hospitali za Palestina zilisasisha idadi yao ya waliofariki, waliojeruhiwa, waliojeruhiwa zaidi ambao hufika wakiwa na majeraha hasa ya risasi.

Magari ya wagonjwa yanapita kwa kasi, risasi zinavuma katikati ya jiji, ndege zisizo na rubani za Israeli zaruka juu ya Jenin, milio ya risasi isiyojulikana, uwanja wa vita, machafuko. Shirika la Hilali Nyekundu la Palestina linajaribu kuwasaidia waliojeruhiwa.

Baada ya takriban saa 12 za mapigano yasiyokatizwa, jeshi la Israeli liliondoka. Ni wakati wa mpiganaji huyu wa Kipalestina kuwazika ndugu zake mikononi.

"Kila wakati jeshi la Israeli linapoingia hapa, litapata hasara. Bila shaka, haitaitambua kamwe. Lakini uamuzi wetu hauna dosari. Leo wameleta helikopta zao za Apache kusaidia. Haijatokea kwa miaka 20." Toleo lililothibitishwa na jeshi la Israeli.