Uchaguzi DRC: Mgombea apinga ushindi wa Félix Tshisekedi mbele ya Mahakama ya Katiba

Nchini DRC, muda wa kukata rufaa kuhusu matokeo ya uchaguzi wa urais ambao ulifanyika kuanzia Desemba 20 umetamatika. Kulingana na takwimu za muda kutoka Tume ya Uchaguzi, Felix Tshisekedi ndiye ambaye alishinda uchaguzi huu kwa zaidi ya 73% ya kura, akiwapiku wagombea wengine 25 katika kinyang'anyiro hicho. Wale waliokatishwa tamaa walikuwa na siku mbili za kukata rufaa. Muda wa kukata rufaa umemalizika leo jioni na mgombea mmoja pekee ndiye aliyekata rufaa katika Mahakama ya Kikatiba.

Mgombea urais Félix Tshisekedi akiwasalimia wafuasi wake baada ya kutangazwa mshindi wa uchaguzi wa urais huko Kinshasa, Jamhuri ya Kidemokrasia ya Kongo, Jumapili, Desemba 31, 2023. AP - Samy Ntumba Shambuyi

Na waandishi wetu maalum mjini Kinshasa,

Kwa hivyo Théodore Ngoy ndiye mgombea peke katika uchaguzi wa urais aliyewasilisha ombi hili kwa Mahakama Kuu. Katika dakika za mwisho kabisa, tangu tangazo lilipoanguka muda mfupi baada ya saa kumi jioni, Jumatano hii, Januari 3. Théodore Ngoy, ambaye aliibuka wa mwisho katika uchaguzi huu wa urais, anahesabiwa na CENI kuwa alipata 0.02% ya kura sawa na kura 4,139. Alishiriki pia katika uchaguzi wa urais wa mwaka wa 2018.

Ombi ambalo hatukutarajia kwa vile Théodore Ngoy anashirikiana na wagombea wengine kadhaa, wakiwemo viongozi wakuu wa upinzani, Moïse Katumbi na Martin Fayulu, ambao mara kwa mara wakati wa mchakato huu walitilia shaka kutoegemea upande wowote kwa Mahakama hii. Na katika siku za hivi karibuni, walionyesha msimamo wao na kudai kuwa: "Hatutakata rufaa".

Théodore Ngoy, wakili, profesa na mchungaji, anasema: “Nilifikiri kwamba madhara yanayofanywa dhidi ya demokrasia, haki za binadamu na utawala wa sheria hayapaswi kuthibitishwa na Mahakama bila CENI kujitetea; ” Anataka uchaguzi huu ufutwe.

Mahakama sasa ina siku saba za kuchunguza rufaa hii na kutoa uamuzi wake. Lakini inaweza kwenda kwa kasi zaidi. Kwa uthibitishaji wa wagombea urais, kwa mfano, ilikuwa imetoa uamuzi wake wiki mbili kabla.

Matarajio mengine ni kwamba CENI bado haijatangaza matokeo ya uchaguzi wa wabunge na ule wa magavana, chaguzi ambazo zilifanyika kwa wakati mmoja na ule wa urais . Kwa mujibu wa ratiba ya Tume ya Uchaguzi, zilipaswa kutangazwa Jumatano hii. Lakini Jumanne mwisho wa siku, CENI iliahirisha kwa muda usiojulikana. Uamuzi uliochukuliwa mwishoni mwa kikao cha mashauriano.

Hakuna tarehe mpya ambayo imetangazwa kufikia sasa na habari zinakinzana kabisa kwa sasa. "Kabla ya mwisho wa juma", anabaini afisa muhimu wa Tume Huru ya Uchaguzi, CENI, naye kiongozi mmoja wa chama cha siasa anasema matokeo ya chaguzi hizo yatatangazwa "Kufikia Januari 10".