Jukwaa la Amani na Usalama: Afrika inatafuta 'suluhisho bora' kwa mapinduzi ya kijeshi
Pamoja na mada "jinsi ya kuimarisha kipindi cha mpito wa kisiasa kuelekea utawala wa kidemokrasia barani Afrika", mijadala katika Kongamano la Amani na Usalama la Lomé, nchini Togo, ambalo lilihitimishwa Jumapili lilikuwa la kusisimua.
Imechapishwa:
Na mwanahabari wetu maalum huko Lomé, Serge Daniel
Je, tunawezaje kuzisaidia nchi za bara hili zinazoongozwa na wanajeshi kuelekea kwenye utawala wa kidemokrasia? Jukwaa la Amani na Usalama la Lomé, kulingana na Robert Dussey, Waziri wa Mambo ya Nje wa Togo, kama "wengi wa wanajopo", anadhani kwamba "vikwazo sio suluhu bora".
"Suluhu bora katika ngazi ya kongamano letu ni kujadiliana na tawala zote za mpito ili kuzisaidia kuondokana na kipindi cha mpito kwa minajili ya kujenga utawala wa sheria wa kidemokrasia," ameongeza.
"Misingi ya utulivu"
Lakini ni nini cha kufanya wakati baadhi ya wahusika wa mapinduzi ya kijeshi wakiingia madarakani kana kwamba hawataki kamwe kuondoka? "Nchi nyingi ambazo kwa sasa ziko katika kipindi cha mpito wa kijeshi zilikuwa tayari katika mpito wa kijeshi karibu miaka kumi iliyopita. Kwa kweli tunaelewa kwamba kipindi cha mpito na jinsi kinavyosimamiwa, ikiwa ni pamoja na kipindi cha mara tu baada ya mpito, kina uwezo wa kuweka misingi ya uthabiti au, kinyume chake, yanaweza kuandaa mazingira ya mapinduzi yajayo, amebainisha Lori-Anne Théroux-Bénoni, mkurugenzi wa ofisi ya kikanda ya Taasisi ya Mafunzo ya Usalama kwa Afrika Magharibi, Sahel na Bonde la Ziwa Chad.
Na katika safu ya washiriki, maoni yanarudi kutoka kwa washiriki kadhaa. "Demokrasia ni mfumo mbaya, lakini ni mfumo mbaya zaidi wa mifumo yote," wamesisitiza washiriki wengine katika mkutano wa Lomé.